教育王國

標題: 體藝一問 [打印本頁]

作者: momwithcare 時間: 07-12-3 12:48 標題: 體藝一問

各位家長你好:

本人欲替小女報讀體藝中學,但不知其在游水方面成績是否可以獲取錄?
50M自游式38秒
50M蛙式40秒

心急欲知，請覆!

謝謝!

作者: FUNG12345 時間: 07-12-3 19:31

原文章由 momwithcare 於 07-12-3 12:48 發表
各位家長你好:

本人欲替小女報讀體藝中學,但不知其在游水方面成績是否可以獲取錄?
50M自游式38秒
50M蛙式40秒

心急欲知，請覆! 謝謝!

50M蛙式40秒, 係港九區d1已經入到決賽
唔好話體藝, 大把女名校會收你

作者: momwithcare 時間: 07-12-3 19:44 標題: 回覆 #2 FUNG12345 的文章

有冇咁易呀?

作者: FUNG12345 時間: 07-12-3 20:40

原文章由 momwithcare 於 07-12-3 19:44 發表
有冇咁易呀?

http://www.hkssf-hk.org.hk/hk/sec/events/swimming/circulars/RS1_D2.TXT

作者: elbar 時間: 07-12-3 20:52

原文章由 FUNG12345 於 07-12-3 19:31 發表

50M蛙式40秒, 係港九區d1已經入到決賽
唔好話體藝, 大把女名校會收你

咁講法，報考女拔(直資) 和協恩都有機會？

作者: Today123 時間: 07-12-3 22:50

都要看學業成績的，不可能本末倒置的。唔通band2學生都收？

[ 本文章最後由 Today123 於 07-12-3 22:57 編輯 ]

作者: BillyM 時間: 07-12-4 00:59

原文章由 Today123 於 07-12-3 22:50 發表
都要看學業成績的，不可能本末倒置的。唔通band2學生都收？

對某些名校來說，體育成績已足夠，BAND2？無問題，如果運動超班，BAND3尾也沒問題。

50m 蛙游40秒，真的不妨試試超級名校，說不定入學機會比體藝更高。

作者: blesshim 時間: 07-12-4 10:36

請問報名表上的"awards", 如果只是參加過校際田俓而冇得獎者, 是否機會不大呢?
recommendation letter, 如果是一般registered coach寫, 又得唔得呢?
Section B- applicant's reflections, 是家長寫定小朋友寫? 英文定中文?

作者: 十一 時間: 07-12-4 19:10

一般Band1名校每級收一兩個超級運動員省招牌（假設成績未達Band1），絕對負擔得起，因為只佔全級人數1~2%。但體藝大把精英運動員，而全校成績要保持英中要求，即85%或以上學生要Band1（否則要轉中中），所以除非該運動員很有代表性，否則成績基本上要達Band1才有面試機會。不過由於選體藝係額外配額，所以選擇體藝不會消耗自選學校配額（2間），所以一試亦無妨。

作者: FUNG12345 時間: 07-12-4 21:27

原文章由十一於 07-12-4 19:10 發表
一般Band1名校每級收一兩個超級運動員省招牌（假設成績未達Band1），絕對負擔得起，因為只佔全級人數1~2%。但體藝大把精英運動員，而全校成績要保持英中要求，即85%或以上學生要Band1（否則要轉中中），所以除非該運動員很有代表性，否則 ...

體藝應該唔係有好多精英運動員
體育水平同港九區好多名校都有一段距離

作者: el1008 時間: 07-12-5 08:55

原文章由十一於 07-12-4 19:10 發表
一般Band1名校每級收一兩個超級運動員省招牌（假設成績未達Band1），絕對負擔得起，因為只佔全級人數1~2%。但體藝大把精英運動員，而全校成績要保持英中要求，即85%或以上學生要Band1（否則要轉中中），所以除非該運動員很有代表性，否則 ...

體藝這幾年轉了校長, 方針已著重成績多d, 就算你係港隊, 但成績唔係band 1 都唔收 (有實際例子), 你可以試, 但唔好太大期望, 反而可以試直資, dbs, dgs, 林大輝......或者其他學校

作者: hellomickey1 時間: 07-12-5 13:20

原文章由 el1008 於 07-12-5 08:55 發表

體藝這幾年轉了校長, 方針已著重成績多d, 就算你係港隊, 但成績唔係band 1 都唔收 (有實際例子), 你可以試, 但唔好太大期望, 反而可以試直資, dbs, dgs, 林大輝......或者其他學校 ...

deleted

作者: 十一 時間: 07-12-5 13:44

公道D應該係一間學校對一間學校比較，而唔係用一間體藝同港九區各名校比較，注意港九區只係香港島及九龍半島（不計新界，當然不包括體藝），而新界區亦再分區（相信用意都係不想直接同體藝一對一比較），而體藝就屬於西沙區（西貢及沙田）。

如果係西沙區，06/07年體育成績全年總錦標績分（共16類比賽），參與學校共56間，只有9間（男子組）8間（女子組）總分超過100分，體藝取得418分（男子組）及464分（女子組），比亞軍分數高一倍（男女子組相若）。所以男子及女子組都獲得全年總冠軍，及全能傑出運動員獎，而傑出運動員獎共13個，體藝取得7個，比全區其他學校總和更多。

而全港性可以比較的數字不多，比較具體只有「精英隊際最佳表現學校大獎」，過去6年，體藝上搒4次，而女拔、協恩、喇沙、培正等都從未上榜。

所以傳統名校，都係以讀書為首要任務，收一兩個超級運動員只不過點綴一下，例如收一個單項紀錄保持者，大概可以為校「增光」三四年，不過該學生在校內的空虛及自卑（指成績）可以想像，所以奉勸各家長請以學生的理想校園生活為首要考慮因素，切勿將面子放在第一位。

註：體育運動只是體藝的1/3，其他2/3分別是視覺藝術，及正規英文中學。

參考資料：
http://www.hkssf-ext.org.hk/external/Jing%20Ying/Jing%20Ying%20Team%20Awards/Past%20Result%20of%20Team%20Awards/Past%20Result%2000-07.pdf

http://www.hkssf-nt.org.hk/district/sec/sw/result/20062007/overallresult_0607.pdf

http://www.hkssf-nt.org.hk/district/sec/sw/result/20062007/marks_b_0607.pdf

http://www.hkssf-nt.org.hk/district/sec/sw/result/20062007/marks_g_0607.pdf

作者: Today123 時間: 07-12-5 14:21 標題: 回覆 #1 十一的文章

真的很同意十一的講法。我也曾聽過有一個運動好叻的學生（全港冠軍之類），入左一間頂尖名校，但好不幸，入左之後拿不到任何錦標，間名校第二年搵埋學校送他走。唔知真定假。

作者: 十一 時間: 07-12-5 14:26

applicant's reflections，「applicant」指申請人，當然指學生。用英文或中文？當然用英文比較好，因為係考英中，而且去年全部考生都係由校長及副校長親自面試，佢地好着重考生的英語表達能力！

祝好運！

作者: fitceo 時間: 07-12-5 14:30

容我發表一個例子：聽朋友轉告朋友兒子上年男拔同體藝都收，結果當然家長一定選男拔，半年下來，小朋友追不上成績，讀得不開心，信心漸失．　我覺得家長一定要以適合小朋友為依歸，倒頭來攪到讀讀下要轉校，就不太好了．

作者: fitceo 時間: 07-12-5 14:51

而另外無論　ｐｅ　定　ａｒｔ入讀體藝，除左一般文法中學既科目，仲要必修理論，如果唔係真係有興趣，會讀得吃力．

作者: FUNG12345 時間: 07-12-5 18:41

原文章由十一於 07-12-5 13:44 發表
公道D應該係一間學校對一間學校比較，而唔係用一間體藝同港九區各名校比較，注意港九區只係香港島及九龍半島（不計新界，當然不包括體藝），而新界區亦再分區（相信用意都係不想直接同體藝一對一比較），而體藝就屬於西沙區（西貢及沙田） ...

我唔係話用體藝同全部學校比
而係佢同好多名校其中一間比, 體育水平都唔算太高
而協恩, 女拔, 喇沙, 男拔, 英華, st jo等更係比體藝高好多班, 係好多項目都好強
而大部份港隊,港青成員亦係集中係港九區學界
當然有部份會好似你講咁只係得一兩個超級運動員, 但唔多
至於沙田有邊間運動勁, 我諗唔到, 拎高分真係冇咩意義

而個精英賽獎只係計籃球,手球,排球同足球, 所以有d運動好勁學校冇獎
而且體藝亦只能夠係實力比較平均既女子組拎獎

[ 本文章最後由 FUNG12345 於 07-12-5 18:45 編輯 ]

作者: 十一 時間: 07-12-6 11:27

如果深一層考慮，體藝確實唔可以同任何一間中學比較，因為體藝入面有一半學生係運動員（500人），另一半係藝術愛好者（500人），佢地在校內唔係小眾，而係大眾。大家志趣相投，有傾有講，惺惺相惜，團隊精神濃厚，睇佢地真係好開心，雖然大家除學業外，都要兼顧多一項「專業興趣」，真係幾攰，不過我認為好值得，甚至認為全港學校都應該實行1+1培育（學術+興趣），假切資源許可。

其他中學入面的運動愛好者就不過係小眾，校內缺乏支援配套，老師專業知識不足，（運動會標槍、鐵餅試過擲中人，最近又試過起步槍整傷老師的眼），老師人數又不夠。學生在校內感覺像生活在寄養家庭，任何事只有求助私人教練（即係校外事），難有歸屬感，實在有點可憐！:cry:

[ 本文章最後由十一於 07-12-6 11:34 編輯 ]

作者: BrianMami 時間: 07-12-6 11:42

聽聞體藝會著重體育多過藝術, 請高人賜教!!
讀藝術出路如何?
宿舍方面可以嗎??

作者: 十一 時間: 07-12-6 12:59

體藝係體育同藝術雙線發展，不過全港體育項目有很多常規比賽，間接同體藝宣傳，所以見報率高D（其實已經將體藝屈咗入西沙區，減少其出鏡機會），而且好多私人教練要揾食，又要攪訓練班，所以要不斷介紹體育資訊，致有此錯覺！

藝術出路會越來越好，因為香港已經再唔可以靠雙手揾食，要靠腦力，藝術係訓練腦力最好的方法（尤其係右腦）。而家全球媒體「數碼化」，電視台、報章、電台、網站...等數目爆炸性增加，有邊樣唔係同藝術及設計有關呢？尤其係廣告設計！:D

反而體育運動出路有D擔心，加上中國向全世界出口世界級教練（跳水、乒乓、排球...越來越多），香港體育叻嘅人出路係做藝人？做歌星？真係無厘頭！

[ 本文章最後由十一於 07-12-6 13:19 編輯 ]

作者: 十一 時間: 07-12-6 13:13

原文章由 BrianMami 於 07-12-6 11:42 發表
聽聞體藝會著重體育多過藝術, 請高人賜教!!
讀藝術出路如何?
宿舍方面可以嗎??

Sorry，唔記得答你宿舍問題。體藝約有100個宿位，包3餐及洗熨，不錯。有時見D同學練完水攰到「爬」返宿舍，沖完涼又咪書，都幾感動！不過由於火炭的交通越來越方便，而家KCR同MTR合併咗就更好，所以宿舍近年都唔滿，有D同學考試前住宿舍「閉關」讀書一個月都得，因為其實佢地都知道讀書先係No.1囉！

作者: FUNG12345 時間: 07-12-7 00:48

原文章由十一於 07-12-6 11:27 發表
如果深一層考慮，體藝確實唔可以同任何一間中學比較，因為體藝入面有一半學生係運動員（500人），另一半係藝術愛好者（500人），佢地在校內唔係小眾，而係大眾。大家志趣相投，有傾有講，惺惺相惜，團隊精神濃厚，睇佢地真係好開心，雖然大家除學 ...

我只能夠講, 你講既同大部份名校實際情況相反

作者: FUNG12345 時間: 07-12-7 00:51

原文章由十一於 07-12-6 12:59 發表
體藝係體育同藝術雙線發展，不過全港體育項目有很多常規比賽，間接同體藝宣傳，所以見報率高D（其實已經將體藝屈咗入西沙區，減少其出鏡機會），而且好多私人教練要揾食，又要攪訓練班，所以要不斷介紹體育資訊，致有此錯覺！

藝術出路會 ...

若你認為體藝宣傳好多
咁男拔同英華今學年, 已經因為一個d1 a grade籃球上報不少於10次, 重未計其他比賽

作者: sally.cc 時間: 07-12-7 04:26

提示: 作者被禁止或刪除內容自動屏蔽

作者: 十一 時間: 07-12-7 10:03

原文章由 FUNG12345 於 07-12-7 00:51 發表

若你認為體藝宣傳好多
咁男拔同英華今學年, 已經因為一個d1 a grade籃球上報不少於10次, 重未計其他比賽

多謝你示範何謂斷章取義。

講答案必須先睇題目，對嗎？
Brianmami 係問：聽聞體藝會著重體育多過藝術, 請高人賜教!!
讀藝術出路如何?
宿舍方面可以嗎??

我答Brianmami其實「聽聞」並非真確，有關體藝見報的消息不錯係體育方面多過藝術方面（即體藝內部體育與藝術方面見報率的比較），唔係同其他學校的體育消息見報率比較。相反由於體藝自從被屈咗入西沙區，其見報率（指絕對值absolute value）係一定會低。我諗現時男拔校長（即前體藝校長）轉出去港九區做校長嘅其中一個原因都係咁。

作者: hung23 時間: 07-12-7 11:04 標題: 回覆 #14 十一的文章

提示: 作者被禁止或刪除內容自動屏蔽

作者: 十一 時間: 07-12-7 12:54

原文章由 hung23 於 07-12-7 11:04 發表
十一,你好!我覺得你好專業,知道好多體藝的資料,現有一事請教.小女今年升中,我們不想她讀傳統名校,因為谷得好辛苦,想讀體藝中學,小女成績不錯,前兩次呈分試排名全級6/165,屬band1,又喜歡畫畫,我想知她畫畫不是好叻,但 ...

體藝想收嘅學生，亦即係當年港督尤德爵士嘅心願（可惜佢未見到體藝落成就離開人世）--> 就係喜歡讀書+熱愛體育或藝術（唔一定要叻）嘅孩子。尤德爵士要創造一個比較理想嘅發展空間俾佢地，而唔係要「谷」佢地幫學校「省」招牌！

相信你個女就係體藝想收嘅一類學生

，不過入咗體藝（藝術組別），畫畫就唔再係玩玩下，由點、線、面，光、色、影，至各派畫家風格、技巧，及相關歷史文化，發展史等等都須要認知（要考試），而且重要學埋陶瓷，立體彫塑等等，真係有興趣至好做呢個決定！

作者: FUNG12345 時間: 07-12-7 22:57

原文章由十一於 07-12-7 10:03 發表

多謝你示範何謂斷章取義。

講答案必須先睇題目，對嗎？
Brianmami 係問：聽聞體藝會著重體育多過藝術, 請高人賜教!!
讀藝術出路如何?
宿舍方面可以嗎??

我答Brianmami其實「聽聞」並非真確，有關體藝 ...

你冇quote, 所以我唔知你答緊人問題

以為你話體藝見報率高

作者: BrianMami 時間: 07-12-8 00:01

原文章由十一於 07-12-7 12:54 發表

相信你個女就係體藝想收嘅一類學生，不過入咗體藝（藝術組別），畫畫就唔再係玩玩下，由點、線、面，光、色、影，至各派畫家風格、技巧，及相關歷史文化，發展史等等都須要認知（要考試），而且重要學埋陶瓷，立體彫塑等等，真係有興趣至好做呢個決定！...

謝謝你十一

你咁熟體藝情況, 請問係咪畢業生 / 現讀生??
小兒熱愛藝術, 很喜歡彫塑,陶瓷,習國畫, 有不少公開賽獎, 成績中上,讀英小, 很想入體藝. 但我有顧慮係.......
1. 家住元朗
2. 住宿舍很昂貴(請問可否申請減免), 或一星期只住幾日.
3. 親友意見係....如果能力入到傳統bank 1, 何不讀完中六, 俾空間佢讀埋其他科(全面d), 到大學時再選科, 讀幾年已cover左中學所教既野.

我既想法是.......大學生通街係, 一定有專長才能發圍, 傳統中學谷成績, 可能藝術發揮方面有所限制....

請問知唔知每年體藝大學入讀率如何???? 大學會選咩科多???

萬二分感激各高人賜教

作者: hung23 時間: 07-12-8 10:08 標題: 回覆 #3 十一的文章

提示: 作者被禁止或刪除內容自動屏蔽

作者: 十一 時間: 07-12-9 09:03

原文章由 hung23 於 07-12-8 10:08 發表
十一,你好!希望真係好似你所講的一樣,收我的女 ,她對畫畫,手工真係好有興趣,我覺得你好專業,你係不係體藝的老師 ?不知到時競爭大不大?

hung23, BrianMami您們好：

我唔係體藝學生，又唔係體藝的老師，只不過係一個關心孩子又關心體藝嘅學生家長，我講出我的身份係想大家對我的觀點對錯自行判斷，亦請多多指正，因為我只能看到我這一面，總有偏差，不過我會盡量做到理性、具體及詳盡

。

對視覺藝術好有興趣（要加上耐性），基本上已足夠，證書獎狀有幫助但不是最重要，因為外面比賽水平參差，最緊要準備多一些您女兒的作品交給校方評估。體藝係津貼中學，每年約收185~195中一生，過去都收約千份申請，但由於係可以100%自行收生，對Band1學生來說，要過哂3關，機會唔算太低。

住元朗係遠D，不過唔係最遠，見過有同學住流浮山，有海怡半島都無住宿舍，而且宿舍唔算貴（每月3千多包3餐及洗熨），綜援學生或可申請減免（我唔知詳情），但相信唔可以一星期只住幾天（因唔係酒店，咁做對佢嘅同房同學好滋擾）。

至於話傳统中學可以學多D其他科？我就唔明白

，體藝正規科目文、理、商科樣樣齊，加上幾十個學會及興趣小組，唔知重欠D乜。而且技術及理論可以遲D學（到大學先接觸？），但語文、體育、藝術（音樂、美術、舞蹈等），如果想學，一定要從小學。很難想像一個20歲青年才開始學ABC、學拉肋一字馬、學色階光譜層次，佢仲有幾多時間？

無錯週街大學生，所以要有競爭力就最少要「一專多能」，「專」係真正嘅專業、承擔，「能」係要真係有認識、有見地（Insight），唔係識畫幾個卡通公仔就叫專長，講幾件八卦消息就叫認識。但條路點行係最通暢，我都揾緊答案！

入大學率嘅問題真係好複雜，可以寫篇論文。

相信大家關心嘅應該係入（本地）大學率。一來不少體藝學生會去外國升學（相信其他名校情況相似），二來要看中五跟中六班數比例（舊制），體藝是5:3，好多名校係5：2（5班中五，2班中六），攪到有D會考22分同學都入唔到原校讀中六，即係話佢地入唔入到大學都與該名校無關，但你話那學生算唔算該名校畢業生？

我只可以話佢地係被遺棄嘅名校畢業生（學生

、家長

、教育（統）局官員

）！

至於Band2學校會考成績好嘅學生（例如會考攞25分以上），佢地又會轉投如恆商或莊啟程等讀預科（當然入到大學），母校又沾不了光:cry: ，（不過真心辦教育者，春風化雨，施恩不望報，相信唔會計較，不過想順便提醒各蒙恩學生，飲水思源，記得回饋社會）。

不過我預期在新制度（334），所有名校的所謂「入大學率」將全線下跌（5年後 - 2012年入大學），而一直默默耕耘的中學就會「突然」大顯光芒。

其實因為數據不再扭曲，數字比較能反影事實。學生不能被遺棄，好的計壞的也計，真的一個都不能少。

所以我對這扭曲的所謂「入大學率」評語是，「如能充份理解，可作參考；如果一知半解，唔知好過知」。反而應該知嘅係「增值指標」，簡單講，例如教育局派個Band2學生俾你，你教咗五年變成Band1學生就係「正增值」，如果變成Band3學生就係「負增值」，最差嘅就係教育局派個Band1學生俾你，教唔好就「整」走佢:tongue: :tongue: :tongue:，以免拖低名校「光榮」的數字！

[ 本文章最後由十一於 07-12-9 22:02 編輯 ]

作者: 十一 時間: 07-12-18 12:05 標題: 體藝主辨 - 視藝親子工作坊

值得參與的親子工作坊，由獲得應屆2項行政長官卓越教學獎的老師主持的！

星期五截止報名了...

http://img8.photo.qooza.hk/userphoto/8/9/274689/219777/522122650e2129f2.jpg

http://www.tic.edu.hk/newweb/

[ 本文章最後由十一於 07-12-18 12:43 編輯 ]

作者: daisykkqq 時間: 07-12-18 12:40

十一：
你好？你真的很熟識體藝，想請教體藝是否收生需要P.E. 和Art同樣好先收，抑或主科外加PE 或視藝呢？請指教。thank you.
因為小兒只愛乒乓球及足球，Art就無興趣，但我又唔想佢讀太傳統學校！想他讀書外都可以搵間重運動的，開心地上學！

: 謝謝你的意見！

作者: 十一 時間: 07-12-18 13:00

原文章由 daisykkqq 於 07-12-18 12:40 發表
十一：
你好？你真的很熟識體藝，想請教體藝是否收生需要P.E. 和Art同樣好先收，抑或主科外加PE 或視藝呢？請指教。thank you.
因為小兒只愛乒乓球及足球，Art就無興趣，但我又唔想佢讀太傳統學校！想他讀書外都可以搵間重運動的，開 ...

除傳統英文中學科目外，體藝學生只須選修P.E.或Art。
P.E.學生必須加入任何一支校隊，學業成績好的學生可加入2支校隊，體藝的乒乓球及足球歷屆成績都不錯。

http://www.hkssf-nt.org.hk/district/sec/sw/result/20062007/marks_b_0607.pdf

作者: daisykkqq 時間: 07-12-18 13:17

多謝賜教！

原文章由十一於 07-12-18 13:00 發表

除傳統英文中學科目外，體藝學生只須選修P.E.或Art。
P.E.學生必須加入任何一支校隊，學業成績好的學生可加入2支校隊，體藝的乒乓球及足球歷屆成績都不錯。

http://www.hkssf-nt.org.hk/district/sec/sw/result/2006200 ...

作者: chanms 時間: 07-12-19 14:53

因體育有校隊，校際學界定期有比賽，所以感覺上運動較注重。

體藝出路跟一般中學無大分別，升大學也可以選其他科目。e.g.我有同事以前讀體藝art, 現在做資訊科技，她有同學做牙醫，有人做設計，有人從事藝術，即教畫畫、搞畫展，好藝術個種。同級同學有趙詠賢。
出路很闊！

雖然小兒無住宿舍，不過我都識一些學生住宿舍。環境，管理都很嚴，定時做功課、睇電視。夜返要預先有家長信。

FYI, 小兒讀中一Art。

作者: daisykkqq 時間: 07-12-19 18:00

chams,
我想請教一下收生方面係點呢？學校會喜歡怎麼類學生？
謝謝。

原文章由 chanms 於 07-12-19 14:53 發表
因體育有校隊，校際學界定期有比賽，所以感覺上運動較注重。

體藝出路跟一般中學無大分別，升大學也可以選其他科目。e.g.我有同事以前讀體藝art, 現在做資訊科技，她有同學做牙醫，有人做設計，有人從事藝術，即教畫畫、搞畫展，好 ...

作者: elsa2005 時間: 07-12-20 01:59

提示: 作者被禁止或刪除內容自動屏蔽

作者: elsa2005 時間: 07-12-20 02:18

提示: 作者被禁止或刪除內容自動屏蔽

作者: elsa2005 時間: 07-12-20 02:42

提示: 作者被禁止或刪除內容自動屏蔽

作者: elsa2005 時間: 07-12-20 02:45

提示: 作者被禁止或刪除內容自動屏蔽

作者: elsa2005 時間: 07-12-20 03:46

提示: 作者被禁止或刪除內容自動屏蔽

作者: el1008 時間: 07-12-20 09:59 標題: 回覆 #41 elsa2005 的文章

體藝轉左校長, 似乎大方向係只收band 1, 不過如果你真係好鐘意間學校,亦不妨一試, 反正都唔會影響你選校嘅quota

作者: 十一 時間: 07-12-20 10:25

原文章由 elsa2005 於 07-12-20 03:46 發表

尤德爵士想幫助喜歡讀書+熱愛體育或藝術（唔一定要叻）嘅孩子，創造一個比較理想嘅發展空間俾佢地，真是非常之好。

而十一您作為體藝的家長，十分了解體藝的情況，提供好多有用的訊息給有需要的家長，抵讚！

但我唔明究竟邊d學生 ...

俾人誤會的感覺真的不好受！我最不喜歡用負面字，因為學生要鼓勵，家長亦然。我用個「谷」字只不過是引用發問的家長所用的字，而用個「省」字也是為配合「谷」字的語調，「谷」「省」2字再加引號，除該段文字外，再搜尋不到「谷」字的踪影，估唔到咁都被人誤會，奈何！

「谷」與「訓練（Training）」有顯著分別，「訓練」係全面兼顧，有理論、有實踐，包括生理、心理，照顧眼前、也展望前境。「谷」就顯得有點不顧一切後果；例如：有運動員服食禁藥去爭取成績，有明星為接一部戲數月內增肥幾十磅，有國內舉重奧運金牌得主退役後，由於並無常人的教育基礎，只能在浴室幫人擦背...等，此之為「谷」。付出如斯代價，為乜！

至於有無學校或教練真係去「谷」的運動員而為「己」增光，就要自行判斷了。

[ 本文章最後由十一於 07-12-20 10:39 編輯 ]

作者: chanms 時間: 07-12-20 12:12

我個人估計的收生標準：先要成績，後才是體/藝！

我聽現時中四學生講，現時的校長勁喜歡讀書叻，尤其是英文叻的學生。
你知啦，藝體並不是超級名中學，最top的band1學生未必肯入讀。因此要保住「英中」之名，需要收成績好的學生。

若能獲得面試資格，就要show才華。體/藝老師就由體能測試/畫畫挑選。

我也在「初中教育」post左d睇法，可去看看！

作者: judy 時間: 07-12-20 14:33

不過由於選體藝係額外配額，所以選擇體藝不會消耗自選學校配額（2間），所以一試亦無妨。

好耐未見咁吹水吹到連自己都可呃理嘅嘢，真開心，吹水啫，無傷大雅。不過咁，體藝有收生之優先權，佢收咗你就冇得報其它學校啦，報考之前一定要想清楚。

作者: chanms 時間: 07-12-20 17:04

選擇體藝，要一條心，體藝有收生優先權。

因大部份入讀學生都要體藝為首選（除了唔覺意入讀者），大家都想清想楚，所以大部份學生都較易投入和適應。

作者: TWMa 時間: 07-12-20 17:37

原文章由十一於 07-12-6 11:27 發表
如果深一層考慮，體藝確實唔可以同任何一間中學比較，因為體藝入面有一半學生係運動員（500人），另一半係藝術愛好者（500人），佢地在校內唔係小眾，而係大眾。大家志趣相投，有傾有講，惺惺相惜，團隊精神濃厚，睇佢地真係好開心，雖然大家除學業外，都要兼顧多一項「專業興趣」，真係幾攰，不過我認為好值得，甚至認為全港學校都應該實行1+1培育（學術+興趣），假切資源許可。

其他中學入面的運動愛好者就不過係小眾，校內缺乏支援配套，老師專業知識不足，（運動會標槍、鐵餅試過擲中人，最近又試過起步槍整傷老師的眼），老師人數又不夠。學生在校內感覺像生活在寄養家庭，任何事只有求助私人教練（即係校外事），難有歸屬感，實在有點可憐！:cry:

吹水還吹水, 將自己間學校捧上天沒人怪你, 但唔好歪曲事實.
將人哋學校陸運會一單意外解成咁, 我都服咗你.

作者: elsa2005 時間: 07-12-21 01:32

提示: 作者被禁止或刪除內容自動屏蔽

作者: elsa2005 時間: 07-12-21 02:16

提示: 作者被禁止或刪除內容自動屏蔽

作者: elsa2005 時間: 07-12-21 02:27

提示: 作者被禁止或刪除內容自動屏蔽

歡迎光臨教育王國 (/)